Джеоргуыбайы куывд Дзывгъисы дзуары бын

Джеоргуыбайы куывд Дзывгъисы дзуары бын
Хуыцау! Табу Дæхицæн, Хуыцау!
Оммен, Хуыцау!
Иу бон Дæ ном куы ссарæм, уæд нын сæдæ боны æххуыс-ахъазгæнæг фæу!
Оммен, Хуыцау!
Абон фæдзæхсыны кадджын бон у,
Æмæ, цы хорз лæг цы кæстæрты бафæдзæхста,
Адон дæр, Хуыцау, уый рæгъæй куыд уой!
Оммен, Хуыцау!
Дзуары хорзæй фæдзæхст куыд уой,
Хуыцау уый зæгъæд!
Оммен, Хуыцау!
Ацы комы мидæг ис бирæ дзуæрттæ:
Хуыцауы дзуар, Тхосты дзуар,
Æмæ уыдон дæр ацы кувæг адæмæн æххуысгæнæг куыд уой,
Хуыцау уый зæгъæд!
Оммен, Хуыцау!
Хетæджы Уастырджи, кадджын дзуар дæ, Домбай дзуар дæ
Æмæ, дæ быны чи цæры,
Уыдон амондджын æмæ дзæбæхей куыд цæрой,
Уыцы æххуысгæнæг сын фæу!
Оммен, Хуыцау!
Дæ бынты цы адæм цæуынц,
Уыдон сæ хæдзармæ дзæбæхæй æмæ æнæнизæй куыд хæццæ кæной,
Хуыцау уый зæгъæд!
Оммен, Хуыцау!
Уæдæ горæты дæр бирæ фæрнджын æмæ амондджын адæм цæры,
Æмæ уыцы кад æмæ амондæй ацы кувæг адæм дæр хайджын куыд уой,
Хуыцау афтæ зæгъæд!
Оммен, Хуыцау!
Хоры Уацилла, Тбау Уацилла, табу, дæ хорзæхæй!
Адæмæн хор дæр куыд уа, фос дæр куыд уа
Сæхицæн дæр æмæ Дзуары ном ссарынæн дæр,
Хуыцау уый зæгъæд!
Оммен, Хуыцау!
Абон куывдмæ чи ‘рцыди – нæлгоймагæй, сылгоймагæй, –
Уыдоны ацы дзуары хорзæх уæд!
Оммен, Хуыцау!
Хурыскæсæнæй хурныгуылæнмæ дзуарæй цыдæриддæр ис,
Æмæ ма афтæ чи зæгъид: «Mæ ном мын куы ссардтаиккой, уæд сын хуыздæр баххуыс кодтаин»,
Уыдоны хорзæх дæр нæ уæд!
Уымæн дæр нæ кувинæгтæ, нæ мысайнæгтæ барст куыд уой,
Хуыцау уый зæгъæд!
Оммен, Хуыцау!
Афтæмæй, нæ рæстæг сабыр куыд уа, амондджын куыд уа,
Хуыцау уый зæгъæд!
Стыр Хуыцау, бирæ кувынæй бирæ хæрзтæ хуыздæр сты,
Æмæ нын бирæ хæрзтæ балæвар кæн.
Ацы рухс кувæндонмæ цы мысайнæгтæ, цы ‘ртыгай кæрдзынтæ æрбахастой,
Уыдон дын барст уæнт!
Оммен, Хуыцау!
Чи ацахода, уымæн йæ цæрæнбон Хуыцау бирæ скæнæд!
Оммен, Хуыцау!

Словарь по этнографии и мифологии осетин. 2014.

Нужно решить контрольную?

Полезное


Смотреть что такое "Джеоргуыбайы куывд Дзывгъисы дзуары бын" в других словарях:

  • Джеоргуыбайы куывд Дзывгъисы дзуары бын – перевод — см. Джеоргуыбайы куывд Дзывгъисы дзуары бын Молитва в дни праздника Джеогуыба в святилище Дзывгис – Хуыцау, Тебе молимся, Хуыцау! – Оммен, Хуыцау! – Если мы один раз вспомним Твое имя, Сто раз помоги нам. – Оммен, Хуыцау! – С …   Словарь по этнографии и мифологии осетин

  • ДЖЕОРГУЫБАЙЫ БÆРÆГБОН — см. тж. Джеоргуыба, ДЖЕОРГУЫБА см. ДЖЕОРГУЫБАЙЫ БÆРÆГБОН – перевод Ирон адæм стыр кад, стыр аргъ кæнынц сæ зæдтæн, сæ дзуæрттæн. Фæлæ уыцы дзуæртты хсæн дæр уæлдай кадджындæр бынат ахсы …   Словарь по этнографии и мифологии осетин

  • ДЖЕОРГУЫБАЙЫ БÆРÆГБОН – перевод — см. ДЖЕОРГУЫБАЙЫ БÆРÆГБОН, ДЖЕОРГУЫБА Осетины, как известно, очень чтят своих дзуаров, но особо почетное место в пантеоне осетинских святых, да и в сердцах людей, занимает Уастырджи – покровитель мужчин, путников, защитник бедных и обездоленных,… …   Словарь по этнографии и мифологии осетин

  • ДЗУÆРТТЫ КУЫВДТЫТÆ — Молитвы в честь дзуаров Куывд Хуыцауы дзуары бон Хуыцауы дзуары бæрæгбоны куывд Уастырджийы куывд Ныхасы Уастырджийы куывд …   Словарь по этнографии и мифологии осетин

  • УАСТЫРДЖИ — Ирон мифологийы нæлгоймæгтыл (сылгоймæгтæ йын йæ ном дзургæ дæр нæ кæнынц, хонынц æй ЛÆГТЫ ДЗУАР) æмæ бæлццæттыл армдарæг зæд. Стыр Хуыцауы фæстæ Уастырджи ирон динон дунеæмбарынады ахсы дыккаг бынат. Цæры уæларвы. Уымæн, æрмæстдæр уымæн ис бар… …   Словарь по этнографии и мифологии осетин


Поделиться ссылкой на выделенное

Прямая ссылка:
Нажмите правой клавишей мыши и выберите «Копировать ссылку»